Намеснік старшыні Беларускай гандлёва-прамысловай палаты Дзяніс Мялешкін у фармаце відэаканферэнцыі правёў сустрэчу з намеснікам старшыні Лаоскай нацыянальнай гандлёва-прамысловай палаты Вантхонгам Сідхікунам. У сустрэчы прынялі ўдзел прадстаўнікі Пасольства Беларусі ў В'етнаме, беларускіх і лаоскіх дзелавых колаў.
Пачалося мерапрыемства з прэзентацыі асноўных напрамкаў дзейнасці Беларускай гандлёва-прамысловай палаты, бакі абмеркавалі магчымыя формы ўзаемадзеяння.
Намеснік старшыні Лаоскай ГПП Вантхонг Сідхікун выказаў вялікую зацікаўленасць у супрацоўніцтве з БелГПП і гатоўнасць наведаць Беларусь з прадстаўнікамі дзелавых колаў Лаоса ўжо ў ліпені. У планах – дэталёвае вывучэнне магчымасцей беларускай прамысловасці, вызначэнне пунктаў узаемных інтарэсаў і перспектыўных напрамкаў супрацоўніцтва.
У рамках відэаканферэнцыі прадстаўнікі беларускага і лаоскага бізнесу выступілі з прэзентацыямі магчымасцей сваіх кампаній.