Сустрэча члена Калегіі (міністра) па прамысловасці і аграпрамысловым комплексе ЕЭК А.Камаляна з прадстаўнікамі дзелавых колаў Беларусі

У Беларускай гандлёва-прамысловай палаце адбылася сустрэча члена Калегіі (міністра) па прамысловасці і аграпрамысловым комплексе Еўразійскай эканамічнай камісіі Артака Камаляна з прадпрымальніцкай супольнасцю Рэспублікі Беларусь.

У мерапрыемстве прынялі ўдзел старшыня БелГПП Міхаіл Мятлікаў, прадстаўнікі рэспубліканскіх органаў дзяржаўнага кіравання, адміністрацый свабодных эканамічных зон, банкаў, найбуйнейшых прамысловых прадпрыемстваў краіны.

Удзельнікі сустрэчы абмеркавалі пытанні ўкаранення ў рамках ЕАЭС механізма фінансавага садзейнічання прамысловай кааперацыі, крытэрыі адбору кааперацыйных праектаў, запланаваны парадак і ўмовы іх фінансавання.

"Сённяшняе абмеркаванне практычных аспектаў рэалізацыі рашэнняў фінансавання кааперацыйных праектаў, прынятых кіраўнікамі дзяржаў краін ЕАЭС, у глабальным сэнсе азначае, што ўпершыню за дзесяць гадоў існавання Еўразійскай эканамічнай камісіі будзе запушчаны дзейсны механізм падтрымкі прамысловай кааперацыі. Ён будзе садзейнічаць нарошчванню вытворчасці, развіццю экспарту і, вядома, рэалізацыі праграм імпартазамяшчэння», – адзначыў у сваім выступе Міхаіл Мятлікаў.

25 мая 2023 г. на пасяджэнні Вышэйшай Еўразійскай эканамічнай рады падпісаны Пратакол аб унясенні змяненняў у Дагавор аб Еўразійскім эканамічным саюзе ад 29 мая 2014 года ў частцы аказання фінансавай падтрымкі сумесным прамысловым кааперацыйным праектам за кошт сродкаў бюджэту Еўразійскага эканамічнага саюза.

Цяпер на пляцоўцы ЕЭК праводзяцца кансультацыі па праекту Палажэння аб парадку адбору сумесных кааперацыйных праектаў у галінах прамысловасці і аказанні фінансавага садзейнічання пры іх рэалізацыі.

Прымяненне механізмаў фінансавання плануецца пачаць з 2024 года.