Сустрэча з кіраўніцтвам Бельгійска-Люксембургскай гандлёвай палаты ў Расіі

У Беларускай гандлёва-прамысловай палаце адбылася сустрэча з кіраўніцтвам Бельгійска-Люксембургскай гандлёвай палаты ў Расіі (БЛГП).

У сустрэчы з беларускага боку прынялі ўдзел старшыня БелГПП Міхаіл Мятлікаў, генеральны дырэктар Мінскага аддзялення БелГПП Сяргей Набешка, старшыня Саюза будаўнікоў Анатоль Нічкасаў, начальнік упраўлення знешнеэканамічнай дзейнасці Беларускай універсальнай таварнай біржы Аляксандр Башлій. Дэлегацыю Бельгійска-Люксембургскай гандлёвай палаты ў Расіі ўзначаліў генеральны дырэктар Алег Прозараў, у склад увайшлі прэзідэнт Бельгійска-Люксембургскай гандлёвай палаты ў Бельгіі, старшыня савета дырэктараў кампаніі ASTROS Стэфан Ван Дорслаер, кіраўнікі арганізацый-членаў Палаты, партнёрскіх арганізацый, а таксама прадстаўнікі Еўразійскай эканамічный камісіі.

БЛГП аб'ядноўвае бельгійскія і люксембургскія кампаніі, якія працуюць у Расіі, а таксама расійскія прадпрыемствы, якія маюць інтарэсы ў Бельгіі і Люксембургу. Мэта візіту дэлегацыі Палаты ў Мінск – даследаваць магчымасці развіцця ўзаемавыгаднага партнёрства з беларускім бізнесам, устанавіць кантакты для далейшай працы.

У ходзе сустрэчы былі разгледжаны перспектывы актывізацыі і паглыблення гандлёва-эканамічнага супрацоўніцтва прадпрымальнікаў з Расіі і Беларусі з партнёрамі ў Еўропе, магчымасці ўзаемадзеяння БелГПП і БЛТП, накіраванага на прыцягненне дзелавых колаў да рэалізацыі ўзаемавыгадных праектаў і выяўлення магчымасцяў супрацоўніцтва ў розных сектарах, уключаючы прамысловасць, энергетыку, сельскую гаспадарку, турызм і медыцыну.

Адбыліся прэзентацыі механізмаў біржавога гандлю для ажыццяўлення аперацый паміж беларускімі і замежнымі партнёрамі, а таксама магчымасцяў кампаній – членаў Бельгійска-Люксембургскай гандлёвай палаты, зацікаўленых ва ўсталяванні дзелавых кантактаў і вядзенні бізнесу з прадпрыемствамі Беларусі.