Экспазіцыя Belarus. The Taste of Nature на міжнароднай выставе InterFood Astana у Казахстане

Экспазіцыя Belarus. The Taste of Nature прадстаўлена на найбуйнейшай міжнароднай выставе прадуктаў харчавання і напояў, інгрэдыентаў, упакоўкі і абсталявання для харчовай прамысловасці InterFood Astana ў Рэспубліцы Казахстан.

З 29 па 31 мая ў казахстанскай сталіцы лідары ​​харчовай прамысловасці з 15 краін свету дэманструюць тавары і паслугі больш за 80 прадуктовых вытворцаў і брэндаў.

Беларускія кампаніі шырока вядомы на казахстанскім рынку. Па выніках студзеня – ліпеня 2023 года тавараабарот Беларусі і Казахстана склаў 683 млн долараў ЗША. Асноўнымі відамі экспартуемых харчовых тавараў з'яўляюцца мяса і мясныя вырабы, малочныя прадукты, цукар і шакалад.

З улікам перспектыўных тэндэнцый у рамках InterFood Astana 2024 экспазіцыя Belarus. The Taste of Nature, арганізаваная унітарным прадпрыемствам «Белінтэрэкспа» Беларускай гандлёва-прамысловай палаты, прадстаўлена вядомымі кампаніямі мяса-малочнай галіны: ААТ «Слуцкі сыраробны камбінат» і ААТ «Слонімскі мясакамбінат», якія на выставе экспануюць шырокую асартыментную прадуктовую лінейку.

У рамках дзелавой праграмы выставвы запланавана правядзенне профільнай сесіі па экспарту і імпарту харчовай прадукцыі, у якой прымуць удзел прадстаўнікі Міністэрства гандлю Рэспублікі Казахстан. Члены беларускай дэлегацыі запрошаны на шэраг тэматычных дыялогавых пляцовак з удзелам замежных партнёраў і бізнес-супольнасці Казахстана.