Візіт дэлегацыі дзелавых колаў Рэспублікі Беларусь у г. Баку (Азербайджанская Рэспубліка)

19 жніўня 2022 года завяршыўся візіт дзелавых колаў Рэспублікі Беларусь у г. Баку (Азербайджанская Рэспубліка), арганізаваны Гомельскім аддзяленнем Беларускай гандлёва-прамысловай палаты па запытах прадпрыемстваў дрэваапрацоўчай і будаўнічай галін. У складзе 7 прадпрыемстваў: Гомельскае дзяржаўнае вытворчае лесагаспадарчае аб'яднанне, ДЛГУ «Камарынскі лясгас», ДЛГУ «Калінкавіцкі лясгас», ТАА «Кімабел», ААТ «Гомельдрэў», ААТ «Гомельбудматэрыялы», Гомельскае аддзяленне БелГПП.

У рамках візіту адбыліся сустрэчы з кіраўніцтвам Агенцтва заахвочвання экспарту і інвестыцый AZPROMO і Агенцтва развіцця малога і сярэдняга бізнесу Азербайджанскай Рэспублікі. Больш за 20 азербайджанскіх прадпрыемстваў удзельнічалі ў В2В перагаворах, арганізаваных па інтарэсах членаў беларускай дэлегацыі.

Дасягнуты дамоўленасці аб пастаўцы прадукцыі дрэваапрацоўкі, плітных і будаўнічых матэрыялаў. Узгоднена павелічэнне аб'ёмаў і пашырэнне асартыменту прадукцыі па раней заключаных кантрактах.

Дэлегацыя таксама наведала профільныя прадпрыемствы: Woodpecker Mebel Şirkəti, Saloglu mebel.

У ходзе сустрэчы часовы павераны ў справах Рэспублікі Беларусь у Азербайджанскай Рэспубліцы Уладзімір Чушаў адзначыў важнасць супрацоўніцтва з Азербайджанам і выкарыстання магчымасцей уваходжання на рынкі суседніх краін праз Азербайджан.

Таксама азербайджанскім партнёрам перададзены камерцыйныя прапановы прадпрыемстваў Гомельскай вобласці, зацікаўленых у супрацоўніцтве з гэтай краінай.