Экспазіцыя «Зроблена ў Беларусі» на выставе «Хімія» ў Маскве

На 26-й міжнароднай выставе хімічнай прамысловасці і навукі «Хімія», якая праходзіць у Маскве з 30 кастрычніка па 2 лістапада, прадстаўлена экспазіцыя «Зроблена ў Беларусі», арганізаваная выставачным прадпрыемствам «Белінтэрэкспа» Беларускай гандлёва-прамысловай палаты.

У экспазіцыі ўдзельнічаюць дзесяць найбуйнейшых прадпрыемстваў беларускай нафтахімічнай галіны: ТАА «Белнафтахім-РАС», ААТ «Гомельскі хімічны завод», ААТ «Гродна Азот», Завод «Хімвалакно» ААТ «Гродна Азот», ААТ «Лакафарба», ААТ «Магілёўхімвалакно», ААТ «Мазырскі нафтаперапрацоўчы завод», ААТ «Нафтан», ААТ «СветлагорскХімвалакно і ААТ «Завод горнага воску». Яны прадстаўляюць шырокі спектр прадукцыі, уключаючы азотныя ўгнаенні, поліамідныя і поліэфірныя ніткі, кордныя тканіны, палімерныя кампазіцыйныя матэрыялы, прамысловую хімію, змазкі, парафіны, воскі, паўфабрыкатную прадукцыю, у тым ліку лакі і фталевы ангідрыд, лакафарбавыя матэрыялы, поліэтылен высокага ціску, валакно, маслы, поліэфірнае валакно «Канжугейт» для тэкстыльнай прамысловасці, палотны нятканыя, абвязальную стужку і іншыя тавары.

«Хімія» – гэта не проста выстава, а пляцоўка, дзе вытворцы хімічнай прадукцыі, пастаўшчыкі перадавых тэхналогій і абсталявання і спажыўцы з розных краін свету сустракаюцца для абмену вопытам і ведамі, даследавання новых рашэнняў і ўмацавання партнёрскіх сувязяў. Выставачнае мерапрыемства ў Маскве прапануе насычаную дзелавую праграму, у тым ліку абмеркаванне ключавых пытанняў у хімічнай прамысловасці і правядзенне мерапрыемстваў. Цэнтральнай падзеяй дзелавой праграмы выставы стане XI Маскоўскі міжнародны хімічны форум з удзелам прадстаўнікоў хімічнага комплексу, профільных міністэрстваў і галіновых асацыяцый. Беларускія кампаніі плануюць актыўны ўдзел у шырокай бізнес-праграме – круглых сталах, дыскусіях, сесіях і семінарах. Таксама ў рамках выставы пройдзе канферэнцыя «Закупкі ў хімічнай галіне», падчас якой будуць разглядацца актуальныя пытанні і нюансы ажыццяўлення дзяржаўных і камерцыйных закупак у хімічнай прамысловасці ад падачы заявак да заключэння дагавораў і кантрактаў.

Выстава «Хімія» праводзіцца ў Маскве з 1965 года і з'яўляецца адной з найбольш прэстыжных пляцовак у сваёй галіне. У гэтым годзе ў мерапрыемстве ўдзельнічаюць каля 500 кампаній з Расіі, Беларусі, Індыі, Ірана, Казахстана, Кітая, ААЭ, Турцыі і Узбекістана. Асаблівая ўвага на выставе аддаецца тэме інавацый і высокім тэхналогіям.